putin mérkél bilen putin körüshti
gérmaniye bash ministiri angéla mérkél bilen rusiye pirézidénti wiladimirputin paytext bérlinda körüshti.
türkiye awazi radiyosi xewiri: gérmaniye bash ministiri angéla mérkél süriyening idlib shehiride zor palaketning kélip chiqishining aldini élish lazimliqini éytti.
angéla mérkél rusiye pirézidénti wiladimir putinni paytext bérlingha yéqin dölet erbablirini kütüwélish sariyida kütüwaldi.
körüshüshtin burun bayanat bergen mérkél, putin bilen sochida körüshkenlikini alahide eslitip ötüp dunyadiki éghir kirizislerge chare tépish üchün diyalog ötküzüshning zörür ikenlikini bildürdi.
gérmaniye bash ministiri angéla mérkél süriyediki insaniy kirizislerning burunraq axirlishishini arzu qilidighanliqini éytip, talash-tartishliq mesililerning peqet diyalog wastisi arqiliqla muzakire qilinishi lazimliqini eskertti.
mérkél gérmaniye bilen rusiyening dunyaning weziyitide yüz bergen özgirishlerdin melum derijide mesul ikenliklirini, lékin rusiyening birleshken döletler teshkilati xewpsizlik kéngishining daimiy ezasi bolush salahiyiti bilen téximu köp mesuliyiti barliqini alahide tekitlep ötti.
wiladimir putinmu bashqa döletlerdiki süriyelik musapirlarning burunraq dölitige qaytiip kétishi üchün tégishlik qedemlerning tashlinishining tolimu zörürlikini éytip, süriyeni qaytidin berpa qilish xizmetlirining muhimliqini tekitlidi.
rusiye pirézidénti wiladimir putin gérmaniye bilen shimaliy éqim 2-tebiiy gaz turubba liniyeside hemkarliship xizmet ishlewatqanliqlirini, shimaliy éqim 2- tebiiy gaz turubba liniyesining peqetla iqtisadiy layihe ikenlikini eskertti.
tebiiy gazning ukraina arqiliq yötkilidighanliqini éytqan wiladimir putin, bu jeryanda iqtisadiy chiqimlarni toluqlashning muhimliqini éytti.
