josép borrél israiliyening rifahqa qilghan hujumigha naraziliq bildüri
yawropa ittipaqi tashqi munasiwet we bixeterlik siyasiti aliy wekili josép borrél «rafahta puqralarni bixeter bolmighan jaylargha köchüshke zorlashni qetiy qobul qilghili bolmaydighan» liqini bildürdi.
türkiye awazi radiyosi xewiri: borrél özining X hésabida israiliye quruqluq hujumini bashlighan ghezzening rafah rayoni heqqide yazma hembehirlidi.
borrél yazmisida israiliyening xelqara qanun boyiche puqralarning bixeterlikige kapaletlik qilish mejburiyiti barliqini eskertip, «puqralarni rafahning bixeter bolmighan rayonlirigha köchüshke mejburlashni qetiy qobul qilghili bolmaydu» dédi.
borrél israiliyege «rafahqa quruqluq hujumi qilmasliq» chaqiriqini qayta tekitlep, «bu alliburun éghirlashqan insanperwerlik kirizisini téximu éghirlashturuwitidu» dédi.
israiliye qisimliri 7- may etigende rafah rayonigha quruqluq hujumi bashlap, ghezzening misirgha échiwétilgen rafah chégra éghizining pelestin teripini alqinigha chüshürgenlikini élan qilghan idi.