t r t radiosi

yollandi 27.07.2011 12:29:15 UTC
yéngilandi 27.07.2011 12:29:15 UTC

biz hemishe ilim –pen we téxnikiliq yéngiliqlarning dölitimizge kéchikip kirgenlikidin shikayet qilimiz. halbuki türkiediki radiyo anglitish xizmiti 1927 –yili 6 –may küni dégüdek pütün dunya bilen oxshash waqitta bashlandi. 1964 –yili 1 –may küni TRT(türkiye radiyo –téléwéziye bash orgini» ning qurulushi bilen bu xizmet téximu janlinip ketti.   nöwette TRTning radiyoliri؛ biterep we pirinsipliq radiyo anglitish chüshenchisi, toghra we pasahetlik türkchisi, xewer, uchur, maarip, medeniyet, naxsha –muzika we köngül échish pirogrammiliri bilen döletning herqaysi bolung puchqaqlirigha we her millet xelqige xitab qilmaqta.

TRTradiyoliri؛ radiyo -1, radiyo –  2 ((TRT FM),  radiyo –4, 5 rayon (antalya, chuqurowa, gap –diyarbaqir, erzurum, trabzon) radiyosi, türk senet muzikisini yaxshi köridighanlar üchün  radiyoliri: radiyo TRTneghme, xelq naxsha –muzikilirini yaxshi köridighanlar üchün TRTtürkü, TRTradiyosi xewer qanili we xelqara radiyo qanalliri türkiye awazi radiyosi (32 tilda) we yawropa FMbilen radiyochiliq sahesi jehettin hem dölitimiz hemde dunyada nahayiti zor tesir küchke ige.

 

radiyo –1

radiyo –1, maarip, medeniyet we xewerlerni chöridigen halda anglitish bériwatqan bir radiyo bolup, türlük muhim uchurlar we bilim sewiyesini yuqiri kötürüshke éhtiyajliq barliq radiyo anglighuchilar üchün 24 saet mulazimet qilidu. radiyo –1, yüzlerche sétiroluq anglitish wastiliri arqiliq türkiyening herqaysi jaylirigha, süniy hemrah we intérnét arqiliq pütkül dunyagha anglitish bermekte. radiyo –1,  toghra we biterep anglitish pirinsipigha asasen, radiyo anglighuchilarni bilim, senet, edebiyat, tiyatir, tenterbiye, muhit, iqtisad, köngül échiysh qatarliq kündilik turmushqa munasiwetlik pütkül sahelerde muhim  uchurlar bilen teminlimekte.

 qisqisi, radiyo –1, 1927 –yildin béri radiyongiz bar bolghan hemmila jayda sizge izchil xizmet qilip kelmekte.

 

 radiyo - 2  (FMTRT)

radiyo –2, TRTning özige xas uslubi we alahide iqtidarliq pirogrammiliri arqiliq her küni 24 saet siler bilen bille.  radiyo –2,  TRTning 24 saet neq meydandin anglitish béridighan döletlik radiyo qanili bolush alahidilikini dawamlashturmaqta. yüzlerche sétiroluq anglitish wastiliri arqiliq türkiyening herqaysi jaylirigha, süniy hemrah we intérnét arqiliq pütkül dunyagha anglitish bermekte.  qisqisi, radiyo –2, silerning sirdash dostunglar we menggülük hemrahinglar bolidu.

 TRT FM yiraqni yéqinlashturuwatqan bir radiyo bolup, sizning kündilik hayatingizda zadi kem bolsa bolmaydighan axbarat wastiliridin biri hésablinidu.

 

radiyo - 3 

radiyo –3, elwis présléydin joan baézgha, frank sinatradin tichaykowiskige, mozarttin sara waugha qeder tallanghan yéqinliq naxsha muzikilarni radiyo anglighuchilarning huzurigha sunuwatqan, kilassik muzikilarni hazirqi zaman muzikiliri bilen bir gewdileshtürüwatqan özgiche  bir radiyo bolup, özige xas uslubi we alahide iqtidarliq pirogrammiliri arqiliq her küni 24 saet siler bilen bille.  radiyo –3, yüzlerche sétiroluq anglitish wastiliri arqiliq türkiyening herqaysi jaylirigha, süniy hemrah we intérnét arqiliq pütkül dunyagha anglitish bermekte.

tépilghusiz muzikilarning yégane adrési radiyo –3 dur.

 

radiyo - 4 

eneniwi senet we xelq muzikilirining renggareng gülliri radiyo - 4  baghchisida. ademge tengdashsiz huzur béghishlaydighan xushnawalar, sazlar, yéqimliq naxshilar, anadoluning özige xas her xil xelq naxshiliri, qedimdin tartip hazirghiche yashap ötken dangliq sazendilerning muzikilirining hemmisini radiyo –4 ning  baghchisidin tapalaysiz. radiyo –4, TRTning özige xas uslubi we alahide iqtidarliq pirogrammiliri arqiliq türkiyening herqaysi jaylirigha, süniy hemrah we intérnét arqiliq pütkül dunyagha anglitish bermekte.

radiyo - 4  ishtiyaq we arzu heweslerning axirqi nuqtisidur.

 

TRT Türkü  radiyosi

TRT Türkü  (xelq naxshiliri) radiyosi , 2009 yili 1 iyul küni resmiy anglitishqa bashlighan bolup,  radiyo wastiliri, intérnét we süniy hemrah arqiliq xelq naxshiliri heweskarlirigha xitab qiliwatqan bir radiyodur. radiyo anglighuchilirigha türk xelq muzikilirigha bolghan söygüsini téximu yuqiri pellige kötürüsh meqsitide yolgha chiqqan TRT Türkü  radiyosi,  rddiyo anglighuchilirini  24 saet tallanghan naxsha muzikilar bilen teminlimekte. anglitishlirida ortaq mirasimiz bolghan xelq muzikilirigha orun bérish arqiliq, xelq medeniyitining ewladmu ewlad dawamlashturulushi we téximu keng tarqilishigha hesse qoshmaqta.

 

TRT  neghme radiyosi

TRT  neghme radiyosi,  2009 yili 6 may küni resmiy anglitishqa bashlighan bolup,  radiyo wastiliri, intérnét we süniy hemrah arqiliq türk senet muzikiliri heweskarlirigha xitab qiliwatqan bir radiyodur. TRT  neghme radiyosi,  radiyo anglighuchilirini  24 saet tallanghan türk senet muzikiliri bilen teminlimekte.TRT  arxipliridin tallanghan we yéngi senet muzikiliri TRT  neghme radiyosi teripidin radiyo anglighuchilarning huzurigha sunulmaqta.

 

TRT Radyo Haber  radiyosi

türkiye we dunyadiki özgirilesh, weqelerge munasiwetlik analizlargha munasiwetlik xewer we uchurlarning hemmisi   TRT Radyo Haber  radiyosida.   24 saet anglitish bériwatqanTRT Radyo Haber  radiyosi,  TRT 1radiyosi,  TRT Türk  radiyosi we TRT Haber  téléwiziye qanalliridiki xewer pirogrammilirini nöwet bilen we birla waqitta radiyo anglighuchilirining huzurigha sunmaqta. xewerlerni TRTning  perqliq alahidilikliridin behrimen bolghan halda radiyodin anglashni xalaydighanlar, radiyo wastiliri, intérnét we süniy hemrah arqiliq   TRT Radyo Haber  radiyosida uchrashmaqta.

 

türkiye awazi radiyosi

türkiye awazi radiyosi, qisqa dolqun arqiliq anglitish bériwatqan enqere radiyosidin türkiye awazi radiyosigha zorayghan bir radiyodur. türkiye awazi radiyosining sadasi 70 yildin köprek waqittin buyan dunyaning herqaysi jaylirida izchil yangrimaqta. xewerler, tenterbiye xewerliri, medeniyet –senet, naxsha –muzika, köngül échish pirogrammlirini öz ichige alghan türkiye awazi radiyosi, chet ellerde yashawatqan wetendashlar we qérindashlirimizning türkiye we türk medeniyiti bilen bolghan menggülük alaqe wastisi, ular duch kelgen mesililirining hel qilinish charisi, özara dertlishish menbesi hésablinidu.

 türkiye awazi radiyosi, qisqa dolqun, süniy hemrah we intérnét arqiliq 24 saet anglitish bermekte. siz dunyaning qeyiride bolmang, choqum türkiye awazi radiyosining sadasini angliyalaysiz. untup qalmang. türkiye awazi radiyosi, sizning daimliq sirdishingiz we hemrahingizdur.

 

radiyo - 6 

radiyo - 6 , dölitimizing birlik we barawerlikige hesse qoshushni meqset qilghan, zamangha mas halda anglitish pirinsipi arqiliq chong –kichik barliq radiyo anglighuchilargha xitab qiliwatqan kürtche radiyo qanili hésablinidu. radiyo – 6, 2009 –yili 1 –may küni resmiy anglitishqa bashlighan bolup, sherqiy jenubiy anadolu rayonigha qarita anglitish bermekte.  radiyo –6 anglitishlirida rayon xelqliri bilen dölet otturisidiki alaqining téximu küchiyishige hemde xelqara munasiwetlerde türkiyening nopuzining yenimu küchiyishige nahayiti zor töhpilerni qoshmaqta.

 

TRT  yawropa radiyosi

TRT  yawropa radiyosining pirogrammiliri, hayatning kümümsiritidighan eslimiliri, köchmenlik hékayiliri, muweppeqiyet musapiliri, dölitimizning qimmet ölchemliri, dunyaning herqaysi jayliridiki «biz özimizgila oxshaymiz» qimmet qarishimiz we serxil naxsha muzikilarni öz ichige alidu. TRT  yawropa radiyosi, yene yashlar we yashliqni qoldin bérip qoymighanlar üchün naxsha –muzika, söhbet qatarliqlar arqiliq radiyo anglighuchilarning könglini shad –xuramliq baghchisida seyle qldurmaqta. TRT  yawropa radiyosi, her küni enqere waqti saet 9 din 18 ghiche, ürümchi waqti saet 12 din 21 giche bolghan ariliqta intérnét, süniy hemrah arqiliq anglitish bermekte. siz yaxshi köridighan birer naxshini anglighmaqchi yaki siz yaxshi köridighan birersige hediye qilmaqchi weyangi hés –tuyghuliringizni ortaqlashmaqchi bolsingiz, türkiyening eng yéqimliq TRT  yawropa radiyosining intérnét adrési http://www.trt.net.tr/Radyo/RadyoAnasayfa.aspx her daim siz bilen bille.