erdoghan barliq anilarning «anilar bayrimi» ni tebriklep muhim söz qildi

türkiye awazi radiyosi xewiri: erdoghan yazmisida: «barliq anilarning anilar bayrimini tebrikleymen, alemdin ötken barliq anilirimizni allahtin rehmet télesh bilen we minnetdarliq bilen esleymen. söygü, shepqet we pidakarliqqa oxshash güzel xisletlerning misali hésablinidighan anilirimiz hayatimizning eng qimmetlik bayliqliridur. bolupmu eziz shéhitlirimizning bizge amaniti bolghan shéhit aniliri qatarliq, bu tengdashsiz xezinige ige chiqishimiz lazim. anilirimizgha qanchilik ehmiyet béridighanliqimizni her pursette eng yaxshi usulda körsitishimiz lazim. bir anining balisigha bolghan shepqitini sélishturushqa bolidighan insaniy tuyghu intayin az. bügün anilirimizgha minnetdarliq bildürüpla qalmay, ularning hayatimizgha körsetken tesirini eslesh üchünmu intayin ehmiyetlik bir pursettur. biz jennetni anilarning ayighi astida köridighan bir étiqadning mensupliri bolush süpitimiz bilen mesuliyetlirimiz we mejburiyetlirimizni ada qilghanda, anilirimizning xeyrilik dualirining eng muhim küch menbeyimizning biri bolidighanliqini untup qalmasliqimiz kérek» dédi.