afghanistandiki kelkün apitide qaza qilghanlarning sani 300 din ashti

türkiye awazi radiyosi xewiri: birleshken döletler teshkilati dunya yémeklik programmisi (WFP)  ning X ijtimaiy alaqe hésabida bu heqte bayanat élan qilindi.

buninggha asaslanghanda, yéqinqi bir nechche hepte ichide baghlan wilayitide shiddetlik yamghur keltürüp chiqarghan kelkünde 300 din artuq kishining qaza qilghanliqi we 1000 gha yéqin öyning weyran bolghanliqi bildürüldi.

bayanatta, birleshken döletler teshkilati dunya yémeklik programmisi (WFP)  ning kelkünde qaza qilghanlargha yardem tarqatqanliqi uqturuldi.

yene bir tereptin, afghanistan météorologiye idarisi bedexshan, tahar, baghlan, penchishir, lagman, kunar, nuristan we nangerhar wilayetliridimu shiddetlik yamghur yaghidighanliqi heqqide agahlandurush élan qildi.

tünügün etigendin buyan baghlan wilayitide shiddetlik yamghur dawamlishiwatqan bolup, waliy mehkimisi bayanatchisi molla ilim mujidi «TOLONews» qaniligha bergen bayanatida, yéqinqi bir ikki künde yüz bergen kelkün sewebidin 130 kishining qaza qilghanliqini we 100 kishining yarilanghanliqini bildürgen idi.

dairiler kelkün apitige uchrighan rayonlargha jiddiy yardem bérish herikitining bashlanghanliqini élan qildi.