amérika qoshma ishtatliri (TANAP) layihesini qollaydighanliqini bildürdi

türkiye awazi radiyosi xewiri: amérika qoshma ishtatliri tashqi ishlar ministirliqi muawin meslihetchisi sandra oudkirk enqerede axbarat wasitilirigha bergen bayanatida, trans anadolu tebiiy gaz turuba liniyesi layihesining rayonning tereqqiyatigha qoshidighan töhpisi heqqide toxtaldi.

layihening jenubiy tebiiy gaz karidorining muhim bir qismi ikenlikini tekitligen oudkirk, trans anadolu tebiiy gaz turuba liniyesi layihesining rayonning énérgiye bazarliridiki rolining nahayiti muhimliqini, jümlidin ezerbeyjanning tebiiy gazini yawropagha yetküzidighan layihening menbe serxilliqigha nahayiti zor töhpilerni qoshidighanliqini tekitlep mundaq dédi: «bu layihe ezerbeyjanning tebiiy gazini alidighan döletlerge nisbeten nahayiti zor ehmiyetke ige bolup, bu döletlerning énérgiye bixeterlikige muhim töhpilerni qoshidu. gerche amérika bu layihege biwasite  meblegh salmighan bolsimu, lékin, menbe serxilliqi we énérgiye bixeterlikige nahayiti zor töhpilerni qoshidighan bu layiheni qollaydu.»

bashqa énérgiye layihelirining trans anadolu tebiiy gaz turuba liniyesi layihesige daxil qilinishi toghriliqmu toxtalghan oudkirk, bu layihening ul eslihe qurulushini tereqqiy qildurush we kéngeytishke bolidighanliqini, bu layihe arqiliq 16 milyard kub métirliq liniyening ikki hesse zoridighanliqini eskertken halda mundaq dédi: «trans anadolu tebiiy gaz turuba liniyesi layihesining ishqa kirishtürülüshi heqiqetenmu xushallinarliq ish. pütkül dunya türlük qiyin ötkellerge duch kéliwatqan bir peytte, trans anadolu tebiiy gaz turuba liniyesi layihesining xizmetke kirishtürülüshi yer shari xaraktérlik muhim özgirish hésablinidu. ezerbeyjanning tebiiy gazining bazargha sélinishimu nahayiti muhim. bizge nisbeten ittipaqdashlirimiz  we hemrahlirimizning énérgiye bixeterliki hemmidin muhim.»