ہم روس کے کیمیاوی حملوں کے سامنے آنکھیں بند نہیں رکھ سکتے، برطانوی وزیر دفاع

برطانوی  وزیر خارجہ برائے دفاع جیمز ہیپی  کا کہنا ہے  کہ مغرب کے پاس "میز پر تمام آپشنز" موجود ہیں کہ یوکرین میں روس کے کیمیائی ہتھیاروں کے استعمال کا جواب کیسے دیا جائے۔

ہیپی نے یوکرین کے شہر ماریوپول میں روس کی طرف سے کیمیائی ہتھیاروں کے استعمال کے الزامات کے بعد ملکی پریس کو اپنے بیانات میں کہا کہ برطانوی حکومت ابھی تک کیمیائی ہتھیاروں کے استعمال کی اطلاعات کی تصدیق نہیں کر سکی۔

انہوں نے کہا کہ "تاہم، اگر کیمیائی ہتھیاروں کا استعمال درست ثابت ہوتا ہے تو، روسی صدر ولادیمیر پوتن کو معلوم ہونا چاہیے کہ 'تمام آپشنز' میز پر موجود ہیں کہ مغرب کیا جواب دے گا۔"

یہ پوچھے جانے پر کہ کیا اس کا مطلب نیٹو کی براہ راست شمولیت ہو گی، ہیپی نے کہا کہ  "تمام آپشنز میز پر ہیں۔"

اس طرف اشارہ کرتے ہوئے کہ پوتن کو آگاہ ہونا چاہیے کہ کیمیائی ہتھیاروں کا استعمال "ناقابل قبول" ہے، ہیپی نے کہا،" ان ہتھیاروں کے استعمال کے  برخلاف    آنکھیں  بند  کرنے کی توقع نہیں رکھنی چاہیے۔"

اس بات پر زور دیتے ہوئے کہ کچھ چیزیں حدود  کو پار کرتی ہیں اور یہ بالکل  واضح ہونا  لازمی ہے کہ کیمیائی ہتھیاروں کے استعمال کا جواب ملے گا، ہیپی نے اس بات پر زور دیا کہ ہمارے سامنے تمام متبادل موجود ہیں۔

برطانوی وزیر خارجہ لز ٹرس نے بھی گزشتہ روز اپنی ٹویٹ میں لکھا تھا  کہ ان کا ملک اپنے شراکت داروں کے ہمراہ روسی افواج  کے  ماریوپول پر حملوں  میں کیمیائی ہتھیار استعمال کیے  جانے سے متعلق رپورٹوں کی تفصیلات کی تصدیق کے لیے کام کر رہا ہے ۔