روس کے متعدد شہروں میں جنگ مخالف احتجاجی مظاہرے
ماسکو کے وسط میں مانیزنایا چوک میں جمع ہونے والے ہجوم نے جنگ مخالف بینرز لہرائے اور نعرے لگائے، اس دوران پولیس نے سخت حفاظتی اقدامات کیے
روس میں یوکیرین کے ساتھ جنگ کو روکنے اور قیام امن کے حق میں احتجاجی مظاہروں کا سلسلہ جاری ہے۔
گزشتہ روز دارالحکومت ماسکو اور سینٹ پیٹرزبرگ سمیت مختلف شہروں میں سینکڑوں افراد نے روس۔ یوکرین جنگ کے خلاف غیر مجاز احتجاجی کارروائیوں میں شرکت کی۔
ماسکو کے وسط میں مانیزنایا چوک میں جمع ہونے والے ہجوم نے جنگ مخالف بینرز لہرائے اور نعرے لگائے، اس دوران پولیس نے سخت حفاظتی اقدامات کیے۔
روسی حکومت سے یوکرین میں جنگ بند کرنے اور امن بحال کرنے کا مطالبہ کرنے والے عوام سینٹ پیٹرزبرگ میں نیوسکی اسٹریٹ پر بھی جمع ہوئے۔
مظاہرین کہ جن کی اکثریت نوجوانوں پر مشتمل تھی کے خلاف پولیس نے مداخلت کی۔
ماسکو اور سینٹ پیٹرز برگ کے علاوہ ملک کے 20 شہروں میں ہونے والے بلا اجازت احتجاجی مظاہروں کے دوران تقریباً 350 افراد کو حراست میں لیا گیا۔
بتایا گیا ہے کہ 24 فروری سے ملک بھر میں جنگ مخالف مظاہروں میں 8,100 سے زائد افراد کو حراست میں لیا گیا ہے۔
متعللقہ خبریں
یوکرین: ہمیں، 7 عدد پیٹریاٹ فضائی دفاعی نظاموں کی ضرورت ہے
ہمیں روسی حملوں کے مقابل کم از کم 7 عدد پیٹریاٹ فضائی دفاعی نظاموں کی ضرورت ہے: صدر ولادی میر زلنسکی