ہسپانوی عدالت نے کارلس پگڈومونٹ اور چار سابق وزراء  کی گرفتاری کے احکامات جاری  کر دئیے

  اسپین کی عدالت عظمیٰ نے برسلز فرار ہونے والے کاتالونیا   کےسابق  لیڈر کارلس پگڈومونٹ اور چار سابق وزراء  کے خلاف پورے یورپ میں گرفتاری کے احکامات جاری  کر دئیے ہیں ۔

  اس عدالتی  فیصلے کو تمام یورپی ممالک تک پہنچا دیا گیا ہے ۔ بیلجئیم کے دارلحکومت برسلز کے اٹارنیز نے  کہا ہے کہ عدالت کے فیصلے  کا جائزہ لیا گیا ہے اورعنقریب ہی پگڈومونٹ کی واپسی   کا عمل شروع ہو سکتا ہے ۔  دریں اثناء پگڈومونٹ نے ٹوئٹر   اکاؤنٹ سے آزادی کے حامیوں کو 21 دسمبر کے انتخابات میں مل جل کر حرکت کرنے کی اپیل کی ہے  جبکہ اسپین کے اتحادو یکجہتی کی حامی پارٹیوں نے پگڈومونٹ سے اپنے آپ کو جلد از جلد عدالت کے سامنے پیش  کرنے کے لیے کہا ہے ۔ دریں اثناء بلباو شہر میں حکومت اسپین کی طرف سے کاتالونیا کے انتظام کو اپنے ہاتھ میں لینے اور  سابق وزراء کی گرفتاری کے خلاف مظاہرے ہوئے ہیں ۔