آستانہ میں شام مذاکرات کا مرکزی موضوع ملک گیر امن کا قیام

روسی وزیر  دفاع سرگئی شوئگو  نے اطلاع دی ہے کہ  شام میں  فائر بندی کا عمل  اب بہت قریب پہنچ چکا ہے۔

صدر ولادیمر پوتن   سے ملاقات کے بعد  ایک اعلان جاری کرنے والے شوئگو نے   حلب سے مخالف گروہوں کے انخلاء کے  عمل کے  مکمل ہونے کی یا د دہانی کراتے ہوئے بتایا کہ  شامی سر زمین  میں    مکمل  طور پر  فائر بندی  کے قیام   کا ماحول  قائم ہو گیا ہے۔

روسی وزیر کا کہنا تھا کہ "یہ آپریشن   دو مرحلوں میں ہمارے  احکامات پر   ترک اور ایرانی  ہم منصبوں   کے ساتھ قریبی رابطے کے  ماحول میں   پایہ تکمیل کو پہنچا ہے۔ اب کے بعد آئندہ کے مرحلے پر کام  کرنا چاہیے۔ جس کے مطابق  شامی سر زمین  پر    مکمل   طور پر فائر بندی کے قیام    کا ماحول  قائم ہو گیا ہے۔

روسی   وزیر خارجہ  سرگئی  لاوروف   کے معاون  گیندای  گاتیلوف کا کہنا ہے کہ  شام بھر میں  عمل در آمد کیے جانے والے   فائر بندی کے   منصوبے  پر  قزاقستان  کے دارالحکومت   آستانہ   میں  منعقد ہونے والے مذاکرات  میں   غور کیا جائیگا۔

روسی انٹر فیکس  ایجنسی   سے   انٹرویو میں  گاتیلوف نے بتایا ہے  کہ   ماہ جنوری کے  وسط  میں    ترکی ،  ایران اور روس کی شراکت    سے منعقد ہونے والے مذاکرات  کا مرکزی  موضوع  شام     میں   عمومی  طور پر فائر بندی    کے قیام  کا معاملہ     ہو گا۔

دوسری  جانب    صدر روس  ولادیمر پوتن  نے گزشتہ ہفتے      دورہ جاپان کے   دوران    واضح کیا  تھا کہ آستانہ  کے مذاکرات   جنیوا  مذاکرات کا  دوام ہوں  گے۔

انہوں نے  یہ بھی کہا تھا  کہ وہ صدر    رجب طیب  ایردوان کے ہمراہ   شام  میں امن  و امان کے ماحول کو جاری رکھے جانے کی تجویز   بھی پیش کریں گے۔