"NEXT by TRT ورلڈ فورم" کا دوسرا اجلاس استنبول میں

دنیا کے اہم عالمی مسائل کے حل کے لیے گزشتہ سال پہلی بار منعقد کیے جانے والے "NEXT by TRT ورلڈ فورم" کا دوسرا اجلاس استنبول میں منعقد ہو رہا ہے۔

ایونٹ میں دن بھر کئی پینلز اور ورکشاپس کا انعقاد کیا جائے گا، جہاں مشہور نوجوان نام جو اپنے شعبوں کے ماہر ہیں اکٹھے ہوں گے اور آج کے اہم مسائل کا حل تلاش کریں گے۔

گزشتہ سال منعقد ہونے والی تقریب میں ترکیہ اور بیرون ملک سے 1000 سے زائد نوجوانوں کو اکٹھا کیا گیا اور خلائی سیاحت سے لے کر پائیدار کاروباری ماڈلز تک بہت سے موضوعات پر غور کیا گیا  جبکہ اس سال  میڈیا، ٹیکنالوجی، سیارہ، تجارت، قیادت، کھیل، تعلیم، سفر، اجتماعی سرگرمیاں ٹیکنالوجی تک تبادلہ خیال کیا  جائے گا۔  

"NEXT by TRT ورلڈ فورم" کے نمایاں ناموں میں سابق فٹ بال کھلاڑی فریڈرک کانوٹ، شیف بُراق اوز دیمیر ، زندگی فاؤنڈیشن کے بانی شہزاد رائے، بصارت سے محروم افراد کے لیے تیار کی گئی سمارٹ واکنگ اسٹک کے موجدوں میں سے کُرشاد جیلان، اقوام متحدہ افریقی تجدید پروگرام کے رکن رافیل اوبونیو اور موسمیاتی کارکن،  کلوور ہوگن حصہ لے رہے ہیں۔