یوکیرین کے اناج کی عالمی منڈیوں تک رسائی کے لیے کل استنبول میں اجلاس منعقد ہوگا

وزیر  دفاع خلوصی  آقار  کا کہنا ہے کہ یوکرین کی بندرگاہوں پر اناج کی محفوظ ترسیل کے حوالے سے فوجی وفود کے درمیان مذاکرات کل استنبول میں ہوں گے۔

آقار نے کہا کہ صدر رجب طیب ایردوان کی"خوراک کے بحران"  کو حل کرنے کی  سفارتی کوششوں اور ہدایات کے دائرہ عمل میں ہونے والے مذاکرات   مثبت ڈگر پر آگے بڑھ رہے ہیں۔

انہوں نے روسی وزیر دفاع سرگئی شوئیگو اور یوکرین کے وزیر دفاع اولیکسی ریزنکوف کے ساتھ مذاکرات کرنے کی یاد دہانی  کراتے ہوئے کہا کہ اس کے بعد ترکی کے روس اور یوکیرین کے  ساتھ براہ راست مذاکرات  کو عملی جامہ پہنچایا گیا ہے۔

یہ بتاتے ہوئے کہ خوراک کے بحران کے حل کے لیے وزارت دفاع کا وفد روسی فوجی وفد سے ملاقات کے لیے روس کے دارالحکومت ماسکو گیا اور پھر یوکرین کا فوجی وفد  ترکی آیا۔ ان تمام بات چیت کے بعد، کل استنبول میں یوکرینی بندرگاہوں میں موجود اناج کو سمندر کے راستے بین الاقوامی منڈیوں  ترسیل کے لیے  ترکی، روسی اور یوکرین کی وزارت دفاع کے فوجی وفود اور اقوام متحدہ کے وفد کے درمیان  مذاکرات  سر انجام پائیں گے۔