صدر رجب طیب ایردوان کی دورہ سعودی عرب کے دوران پاکستان کے وزیراعظم شہباز شریف سے ملاقات کی خواہش

ترکی کے صدر  رجب طیب ایردوان  جو ان دنوں سعودی عرب کے دورے پر ہیں پاکستان کے وزیر اعظم شہباز شریف   سے ملاقات کریں گے۔

دونوں  رہنما  وں کے درمیان طویل عرصے سے بڑی  قریبی مراسم چلے آرہے ہیں۔

ترک صدر ایردوان  کے ساتھ قریبی مراسم ہی کے نتیجے میں شہباز شریف نے پنجاب کے وزیر اعلیٰ کے دور میں پنجاب  کی ترقی کی طرف خصوصی توجہ دی  تھی اور ترک فرموں کے دروازے  پاکستان کے لیے  کھول دیے تھے۔

اب جبکہ  ترکی کے صدر  ایردوان اور پاکستان کے وزیر اعظم  سعودی عرب کے دورے پر ہیں تو  دونوں رہنماوں نے  اپنے ان مراسم کو مزید مضبوط بنانے کے لیے ملاقات کرنے کا فیصلہ کیا ہے۔

ذرائع کے مطابق اس سلسلے میں  ترک صدر طیب ایردوان نے وزیرِ اعظم شہباز شریف کو سعودی عرب ہی میں ملاقات کا پیغام بھجوایا تھا جسے وزیراعظم شہباز شریف نے بخوشی قبول کرلیا ہے۔

ترک صدر اردوان نے وزیرِ اعظم شہباز شریف کو بھیجے گئے پیغام میں کہا ہے کہ " میں  آپ سے ملاقات کا خواہش مند ہوں۔"

واضح رہے کہ وزیرِ اعظم شہباز شریف سعودی ولی عہد شہزادہ محمد بن سلمان کی دعوت پر گزشتہ روز مدینہ منورہ پہنچے تھے۔

ترک صدر طیب اردوان بھی ان دنوں سعودی عرب کے دورے پر ہیں۔