ترکی میں کورونا ویکسین لگوانے والوں کی تعداد 40 لاکھ سے تجاوز کر گئی

ترکی میں کورونا ویکسین مہم کے دوران 40 لاکھ سے زائد افراد کو ویکسین لگائی جا چکی ہے۔

کورونا وائرس سائنسی کمیٹی کی تجویز پر وزارت صحت کے شروع کردہ" کووِڈ۔19 ویکسین قومی اسٹریٹجی" پروگرام کے مطابق 13 جنوری کو وزیر صحت فخر الدین قوجا اور کمیٹی کے اراکین کو ویکسین لگا کر مہم کا آغاز کیا گیا۔

بعد ازاں 14 جنوری کو ملک بھر میں صحت کے عملے کی ویکسینیشن شروع ہو گئی۔

ترکی وزارت صحت کی طرف سے ویکسین مہم کے کرنٹ اعداد و شمار کے مطابق اس وقت ویکسین لگوانے والے افراد کی تعداد 41 لاکھ 97 ہزار سے تجاوز کر چکی ہے۔

ویکسین کی پہلی خوراک لگوانے والوں کی تعداد 36 لاکھ  اور دوسری خوراک لگوانے والوں کی تعداد 5 لاکھ 70 ہزار سے بڑھ گئی ہے۔

ویکسین مہم کے بارے میں ٹویٹر سے جاری کردہ بیان میں وزیر صحت فخر الدین قوجا نے کہا ہے کہ" آج ہم 5 لاکھ سے زائد افراد کو ویکسین لگائیں گے۔ جیسے جیسے ویکسین لگوانے والوں کی تعداد میں اضافہ ہوتا جائے گا تیسے تیسے ہماری روزمرّہ زندگی سے وائرس کے بارے میں سوالیہ نشانات کی تعداد میں کمی آتی چلی جائے گی"۔