بیرونی ممالک میں مقیم 32 ترک شہری کورونا وائرس کی وجہ سے ہلاک
بیرونی ممالک میں مقیم 32 ترک شہری کورونا وائرس کی وجہ سے وفات پا گئے ہیں جن کی میّتوں کو ترکی واپس لایا جائے گا: وزیر خارجہ میولود چاوش اولو
ترکی کے وزیر خارجہ میولود چاوش اولو نے کہا ہے کہ بیرونی ممالک میں 32 ترک شہری کورونا وائرس کی وجہ سےوفات پا گئےہیں۔
بیرونی ممالک میں مقیم ترک شہریوں کے بارے میں تازہ معلومات فراہم کرتے ہوئے چاوش اولو نے کہا ہے کہ 11 پروازوں کے ذریعے 8 ممالک سے 2 ہزار 721 ترک طالبعلموں کو وطن واپس لا کر قرنطینہ میں رکھا گیا ہے۔
انہوں نے کہا ہے کہ بیرونی ممالک میں مقیم 32 ترک شہری کورونا وائرس کی وجہ سے وفات پا گئے ہیں جن کی میّتوں کو ترکی واپس لایا جائے گا۔
بعض ممالک کی طرف سے طبّی امداد کی طلب کا ذکر کرتے ہوئے انہوں نے کہا ہے کہ 17 ممالک کو ہم نے طبّی سامان روانہ کیا ہے ان کے علاوہ مزید 69 ممالک کی طرف سے طبّی سامان کی طلب موصول ہوئی ہے۔
وزیرِ خارجہ میولود چاوش اولو نے کہا ہے کہ میں نے اسپین کے وزیر خارجہ کے ساتھ بات کی ہے انہوں نے ترکی سے طبّی ماسک کی طلب کی ہے۔
طبّی آلات کی مدد کے بارے میں بھی بات کرتے ہوئے انہوں نے کہا ہے کہ " بین الاقوامی برادری کو ہمیشہ سے کہیں زیادہ باہمی تعاون کی حالت میں ہونا چاہیے"۔