حکومت ترکی کیساتھ ویزے کی چھوٹ کا معاہدہ موجود ہے۔ یورپی یونین کمیشن

یورپی یونین کمیشن نے  ترکی کیساتھ ماہ مارچ میں ہونے والے معاہدے  کی منسوخی سے شامی   پناہ گزینوں کو  یونان کے جزیروں    میں ٹھہرانے کے کسی نئے منصوبے کی تیاری کے دعووں کو بے بنیاد قرار دیا ہے ۔

یورپی یونین کمیشن کے نائب  ترجمان  الیگذنڈر ونٹر شٹائن نے یومیہ پریس کانفرنس سے خطاب  کے دوران ایک سوال کے جواب میں کہا کہ ہمارے پاس صرف اے پلان ہے بی پلان موجود   نہیں ہے ۔  انھوں نے   کہا کہ ترک شہریوں کو ویزے کی چھوٹ دینے کے موضوع پر انقرہ میں مذاکرات جاری ہیں ۔  انھوں نے صدر رجب طیب ایردوان کے دہشت گردی کی اصلاح میں تبدیلی نہ کرنے کے اعلان کے بعد  ویزے کے عمل کے  جاری رہنے یا نہ رہنے  سے متعلق سوال کے  جواب میں کہا کہ حکومت ترکی کیساتھ ہمارا معاہدہ  ہوا ہے اور اس موضوع پر  کاروائیاں جاری ہیں ۔

یورپی کمیشن نے 4 مئی کو ترک شہریوں کے شینگن ممالک میں بغیر ویزے  کے داخلے کےمشاورتی فیصلہ کیا  تھا  لیکن ویزے کی پابندی کے خاتمے کے لیے  ترکی کو 72 شرائط میں سے باقی پانچ شرائط کو بھی پورا کرنے کی ضرورت ہے ۔