ترک جغرافیائی مسجل مصنوعات 65

ترکیہ کے مشرقی اناطولیہ میں واقع تاریخی شہر کارس کو ترکیہ کے  قاز کے گوشت کی پیداوار کا دارالحکومت سمجھا جاتا ہے۔ کارس ایوان صنعت و تجارت کی جانب سے 2023 میں دی گئی درخواست پر کارس  قاز کے گوشت   کو ترکیہ کی جغرافیائی طور پر  مسجل  مصنوعات میں شامل کیا گیا۔ کارس کے دیہی علاقوں میں قاز کا گوشت نومبر میں اکتوبر میں فربہ شدہ قاز کو ذبح کرکے پورے لوتھ کے گوشت کو دبا کر،پانی کو کم کرکے اسے نمکین کرکے اور پھر اسے کھلی ہوا میں 5-10 دن تک خشک کرکے تیار کیا جاتا ہے۔

 کارس میں بند  پنجروں میں  قاز کی افزائش نہیں کی جاتی ہے۔ نامیاتی مادے سے بھرپور کارس دیہی علاقوں کو چراگاہ کے طور پر استعمال کرنا  قاز کی افزائش کے لیے بہت اہمیت کا حامل ہے۔ مٹی کا بھرپور اور خوشبودار معدنی مواد مٹی سے 1,600 مختلف پودوں کی انواع تک جاتا ہے، اور پودوں سے چراگاہوں میں چرنے والے  کارس  قازوں  کے گوشت میں فاسفورس، آئرن، کیلشیم اور پوٹاشیم کی اعلی مقدار کو یقینی بناتا ہے۔  قازکے غول  کو اکتوبر میں خصوصی فربہ کرنے کے لیے لے جایا جاتا ہے جبکہ  جو کا استعمال اس خوراک کی مدت میں کیا جاتا ہے۔

 اکتوبر سے شروع ہونے والی موسم کی ٹھنڈک اور اسی عرصے میں جو   کھلانے سے ہنس کے گوشت میں چکنائی اور پروٹین اور سیر شدہ چکنائی کی مقدار میں اضافہ ہوتا ہے۔ نومبر میں ذبح کیے گئے  قاز کا وزن تقریباً 4-5 کلو گرام ہونا چاہیے۔  قاز کے گوشت کا اندرونی حصہ گہرا سرخ، موٹے ریشہ کا ڈھانچہ، نمکین اور تیز بو ہوتا ہے۔ گوشت کو کھلی ہوا میں لٹکا کر خشک کرنے اور نمکین کرنے کے نتیجے میں اس کی نمی کم ہو جاتی ہے۔ اس لیے کارس  قاز کا گوشت آسانی سے ٹوٹ جاتا ہے اور ابالنے پر نرم ہو جاتا ہے۔ خاص طور پر کارس  قاز کے گوشت اور شوربے سے بنی چاول کی ڈش پورے ترکیہ میں اچھی شہرت رکھتی ہے۔