القسام بریگیڈ کا اسرائیلی فوجی مرکز پر راکٹوں سے حملہ
القسام بریگیڈز نے ٹیلی گرام کے ذریعے بتایا کہ انہوں نے شمالی اسرائیل میں ایک فوجی ہیڈکوارٹر پر راکٹ فائر کیے جب کہ اسرائیلی فوج نے اعلان کیا کہ شمال میں سائرن بجائے گئے ہیں
2133338
حماس کی عسکری شاخ القسام بریگیڈز نے جنوبی لبنان سے ایک اسرائیلی فوجی مرکز کو میزائلوں سے نشانہ بنایا ہے۔
القسام بریگیڈز نے ٹیلی گرام کے ذریعے بتایا کہ انہوں نے شمالی اسرائیل میں ایک فوجی ہیڈکوارٹر پر میزائل فائر کیے جب کہ اسرائیلی فوج نے اعلان کیا کہ شمال میں سائرن بجائے گئے ہیں۔
اسرائیلی فوج نے لبنان سے اسرائیلی سرزمین میں آنے والے تقریباً 20 راکٹوں کی نشاندہی کی اطلاع دی جن میں سے زیادہ تر کو ناکام بنا دیا گیا۔
اسرائیلی فوج کا کہنا ہے کہ فائرنگ کے مقامات پر جوابی حملے کئے گئے ہیں۔
گزشتہ سات اکتوبر سے غزہ کی پٹی میں جنگ شروع ہونے کے بعد ایک طرف اسرائیلی فوج اور دوسری طرف لبنان میں لبنانی حزب اللہ اور مسلح فلسطینی دھڑوں کے درمیان لبنان اور اسرائیل کی سرحد پر تقریباً روزانہ فائرنگ اور گولہ باری کا تبادلہ ہوتا ہے۔