حزب اللہ کی طرف سے اسرائیل کی فوجی بیس پر حملہ

حزب اللہ تحریک نے لبنان کے جنوب سے اسرائیل کے عسکری مقام پر حملہ کرنے کا اعلان کیا ہے۔

حملے کے بارے میں جاری کردہ بیان میں حزب اللہ نے کہا ہے کہ "موزوں اسلحے کے ساتھ اسرائیل کی المالکیہ فوجی بیس پر حملہ کیا گیا ہے"۔

تاہم لبنان کی سرکاری خبر رساں ایجنسی 'این این اے' کے مطابق اسرائیل کے مسلح ڈرون نے بیت لیف اور رامایا  شہروں پر بمباری کی ہے۔ علاوہ ازیں کفریاتر کی فضاوں میں ایک میزائل پھٹ گیا ہے اور میزائل کے ٹکڑے ایک گاڑی پر گرے ہیں۔

واضح رہے کہ اسرائیلی فوج اور حزب اللہ کے درمیان 8 اکتوبر سے جاری جھڑپوں میں حزب اللہ کے 100 مجاہد شہید اور اسرائیل کے 6 فوجی ہلاک ہو چُکے ہیں۔

جھڑپوں کی وجہ سے لبنان میں ہلاک ہونے والے شہریوں کی تعداد 24 اور اسرائیل میں ہلاک ہونے والے شہریوں کی تعداد 5 ہے۔