12 افراد پر مشتمل اسرائیلی ایجنٹوں کو گرفتار کیا ہے:ایرانی وزیر
اسماعیل خطیب نے کہا کہ ملک میں انارکی پھیلانے کی منصوبہ بندی میں مصروف بارہ دہشتگردوں کے ایک گروپ کو گرفتار کیا گیا ہے جو کہ اسرائیل سے رابطے میں تھا
1937661
ایران میں اسرائیل سے رابطے کے الزام میں بارہ دہشتگردوں کا ایک گروپ پکڑا گیا ہے ۔
تسنیم خبر ایجنسی کے مطابق ،ایرانی خفیہ امور کے وزیر اسماعیل خطیب نے ملک بھر میں تخریب کاریوں سے متعلق بریفنگ دی ۔
اسماعیل خطیب نے کہا کہ ملک میں انارکی پھیلانے کی منصوبہ بندی میں مصروف بارہ دہشتگردوں کے ایک گروپ کو گرفتار کیا گیا ہے جو کہ اسرائیل سے رابطے میں تھا ۔
وزیر نے بتایا کہ ایران کے دشمنوں نے تخریب کاری کا یہ منصوبہ مہسا امینی کے مظاہروں کی ناکامی کے جواب میں بنایا تھا۔
واضح رہے کہ گزشتہ سال ستمبر میں ایرانی پولیس کی زیر حراست مہسا امینی کی موت کے بعد ملک بھر میں ہنگامے اور مظاہرے شروع ہو گئے تھے۔
ان ہنگاموں میں اب تک تین سو افراد ہلاک اور دس ہزار کے قریب گرفتار کیے جاچکے ہیں۔