امریکہ سنجیدگی کا مظاہرہ کرے تو معاہدہ ہوسکتا ہے: ایران
ایرانی وزیر خارجہ نے کہا کہ ان کا ملک ایک پائیدار جوہری معاہدے کےلیے پر عزم ہے،اگر عالمی جوہری توانائی ایجنسی تکنیکی امور پر مکمل عمل درآمد کرنے سمیت سیاسی مداخلت سے دور رہے اور امریکہ بھی سنجیدگی کا مظاہرہ کرے تو معاہدہ ہو سکتا ہے
1879876
ایرانی وزیر خارجہ حسین عبدالہیان نے کہا ہے کہ امریکہ کی سنجیدگی پر جوہری معاہدے پر عمل درآمد ہو سکتا ہے۔
انتخاب نیوز ایجنسی کے مطابق، ایرانی وزیر خارجہ نے نائجیرئین وزیر خارجہ جیفری اونیما سے ٹیلی فون پر رابطہ کیا ۔
اس بات چیت میں عبدالہیان نے کہا کہ ان کا ملک ایک پائیدار جوہری معاہدے کےلیے پر عزم ہے،اگر عالمی جوہری توانائی ایجنسی تکنیکی امور پر مکمل عمل درآمد کرنے سمیت سیاسی مداخلت سے دور رہے اور امریکہ بھی سنجیدگی کا مظاہرہ کرے تو معاہدہ ہو سکتا ہے۔
نائجیرئین وزیر خارجہ نے بھی امید ظاہر کی کہامریکہ اس جوہری معاہدے کو دوبارہ سے بحال کر لےگا۔