اسرئیل کی سرکاری ویب سائٹس پر سائبر حملہ،متعدد وزارتوں میں کام رک گیا

بتایا گیا ہے کہ  اسرائیل میں بظاہر سائبر حملے کے سبب متعدد سرکاری ویب سائیٹس بند ہو گئیں جس سے محکمہ صحت، داخلہ اور انصاف جیسی وزارتیں بری طرح متاثر ہوئیں۔

بتایا گیا کہ بڑے پیمانے پر ہونے والے ایک سائبر حملے نے حکومت کی متعدد ویب سائیٹس کو پوری طرح سے ناکارہ بنا کر رکھ دیا ہے جبکہ اسرائیلی حکومت کے خلاف سائبر حملے کی وجہ سے اس کی بیشتر ویب سائیٹس کریش ہو کر رہ گئیں ہیں۔

ہیریٹز اخبار نے اطلاع دی ہے کہ مبینہ طور پر ایران سے وابستہ ایک ہیکر گروپ نے اس بظاہر حملے کی ذمہ داری قبول کی ہے۔ 

گزشتہ  روز ہونے والے اس سائبر حملے کے سبب وزارت صحت، داخلہ اور انصاف کی وزارتوں کے ساتھ ساتھ کچھ وقت کے لیے وزیر اعظم کا دفتر بھی بند ہو کر رہ گيا۔

اسرائیل کی حکومت نے بعد میں کہا کہ کچھ ویب سائیٹس تک اب رسائی بحال کر دی گئی ہے۔

سائبر سکیورٹی سے متعلق ادارے نے اپنے بیان میں کہا کہ حملے کے نتیجے میں متعدد ویب سائیٹس خاص طور پر سرکاری ویب سائیٹس تک رسائی کچھ وقت کے لیے رک گئی تھی، تاہم اب ان تمام ویب سائیٹس کی سرگرمیاں معمول پر آرہی ہیں۔