جوبائڈن انتظامیہ سمجھوتے کی طرف واپس لوٹنے پر مجبور ہو جائے گی: روحانی

ایران کے صدر حسن روحانی نے کہا ہے کہ جوبائڈن انتظامیہ کی زیرِ قیادت امریکہ ،سمجھوتے کی طرف واپس لوٹنے پر مجبور ہو جائے گا اور پابندیاں ناکام ہو جائیں گی۔

حسن روحانی نے ویڈیو کانفرنس کے ذریعے وزارت داخلہ کے بعض منصوبوں کی افتتاحی تقریب  میں شرکت کی ۔

تقریب سے خطاب میں امریکی پابندیوں کے بارے میں بات کرتے ہوئے انہوں نے کہا ہے کہ پابندیوں کو غیر موئثر بنانے کے لئے ہر ایک کو کوشش کرنی چاہیے۔ مجھے اس میں کوئی شبہ نہیں ہے کہ امریکہ کی نئی حکومت ایران کی مزاحمت کے سامنے گردن جھکانے پر مجبور ہو جائے گی۔ امریکہ سمجھوتے کی طرف واپس لوٹنے پر مجبور ہو جائے گا اور پابندیاں ناکام ہو جائیں گی۔ اس کام میں ایک گھنٹے کی بھی تاخیر نہیں ہونی چاہیے۔