اسرائیلی شخصیت کا اعتراف: دنیا کو اسرائیل کا شکر گزار ہونا چاہیے

ایک اسرائیلی شخصیت نے ایران کے جوہری پروگرام کے اہم ناموں میں سے محسن فخری زادہ کے قتل کے بارے میں بات کرتے ہوئے کہا ہے کہ" دنیا کو اسرائیل کا شکر گزار ہونا چاہیے"۔

ایسے حالات میں کہ ایرانی سائنس دان فخر زادے کے قتل کی بازگشت پوری دنیا میں سنائی دے رہے ہیں امریکی روزنامے نیویارک ٹائمز  نے نام کو پوشیدہ رکھتے ہوئے ایک تجربہ کار اسرائیلی شخصیت  کے الفاظ کی طرف توجہ مبذول کروائی ہے۔

اگرچہ تاحال اسرائیل انتظامیہ نے فخری زادہ کے قتل کو سرکاری طور پر قبول نہیں کیا لیکن مذکورہ شخصیت  نے تل ابیب  کے قاتلانہ حملے میں ملوث ہونے کا اعتراف کر لیا ہے۔

مذکورہ شخصیت نے سالوں سے فخری زادہ کے تعاقب پر معمور ہونے کا ذکر کیا اور کہا ہے کہ ہم ایران کے جوہری پروگرام  کے خلاف ضروری اقدامات کرنا جاری رکھیں گے۔ فخر زادے کی کاروائیوں کے طفیل ایران کے جوہری اسلحے کا مالک بننے کی خواہش اہم پیمانے پر خطرات پیدا کر رہی تھی لہٰذا فخری زادہ کے قتل کے بارےمیں دنیا کو اسرائیل کا شکر گزار ہونا چاہیے"۔

واضح رہے کہ ایران کے جوہری پروگرام کے کلیدی ناموں میں سے فخری زادہ  کو جمعہ کے روز تہران کی تحصیل دماوند سے منسلک علاقے آب سرد  میں ان کی گاڑی پر مسلح حملہ کر کے ہلاک کر دیا گیا تھا۔

اسرائیل کے وزیر اعظم بنیامین نیتان یاہو نے اپریل 2018 میں ایک پریزنٹیشن کے دوران ایران کے جوہری پروگرام کے معمار کے طور پر خاص طور پر فخرزادے کے نام کا ذکر کیا تھا۔