اتحادی قوتوں نے 42 روز بعد حوثیوں کا آئل ٹینکر رہا کر دیا

ایرانی نواز حوثیوں کے ایک بارہ ٹن وزنی  آئل ٹینکر کو سعودی زیر قیادت اتحادی قوتوں نے بیالیس روز بعد رہا کر دیا ہے۔

حوثیوں کے ٹی وی المصیرہ نے متعلقہ جہاز کمپنی کے توسط سے خبر دی ہے کہ  اس  آئل  ٹینکر کو  بیالس روز تک جازان کی بندرگاہ پر یرغمال بنانے کے بعد رہا کر دیا گیا ہے جو کہ اب الحدیدہ کی جانب رواں دواں ہے ۔

 حوثیوں نے اس سے قبل  اتحادی قوتوں پر الزام لگایا تھا کہ اقوام متحدہ کی اجازت کے باوجود یمن آنے والے پٹرول اور خوراک سے لدے بیس بحری جہازوں  پر اس نے قبضہ کر رکھا ہے البتہ اس حوالے سے اتحادی قوتوں نے کسی قسم کا بیان نہیں دیا ۔