یمن: حوثیوں کی طرف سے کولیشن فورسز کے ہیڈ کوارٹر پر بیلسٹک میزائل حملہ

یمن کے ایرانی حمایت کے حامل حوثیوں نے سعودی عرب کے جنوب میں کولیشن فورسز کے ہیڈ کوارٹر پر  بیلسٹک میزائل حملے کا اعلان کیا ہے۔

حوثیوں کے فوجی ترجمان  یحییٰ سیری نے المسیرہ ٹیلی ویژن چینل کے لئے جاری کردہ بیان میں کہا ہے کہ ملک کی جنوبی تحصیل نجران میں سعودی زیر قیادت کولیشن فورسز کے ہیڈ کوارٹر کو مختصر مسافت کے بیلسٹک میزائل سے نشانہ بنایا گیا ہے۔

مذکورہ حملے میں ہیڈ کوارٹر کے آپریشن روم کی تباہی کا ذکر کرتے ہوئے سیری نے کہا ہے کہ حملے میں کمانڈروں سمیت کثیر تعداد میں افراد ہلاک اور زخمی ہو گئے ہیں۔

انہوں نے کہا ہے کہ ہدف بنایا گیا ہیڈ کوارٹر سعودی عرب ۔ یمن  سرحد پر جھڑپوں کے کمانڈ  مرکز کے طور پر استعمال کیا جا رہا تھا۔

تاہم سعودی عرب اور کولیشن فورسز کی طرف سے واقعے کے بارے میں کوئی بیان جاری نہیں کیا گیا۔

واضح رہے کہ حالیہ دنوں میں حوثی سعودی ائیر ڈیفنس سسٹم کی طرف سے ناکار بنائے جانے والے درمیانی اور مختصر مسافت کے  بیلسٹک میزائلوں کے ساتھ ساتھ ڈرون طیاروں کے ساتھ بھی سعودی عرب  کے بعض علاقوں کو نشانہ بنا رہے ہیں۔