ایران کی طرف سے پومپیو اور الجیبوری کے بیانات کے خلاف ردعمل

ایران نے امریکہ کے وزیر خارجہ  مائیک پومپیو اور سعودی عرب کے وزیر خارجہ عادل الجیبوری کے تہران انتظامیہ سے متعلق جاری کردہ بیانات کے خلاف ردعمل کا اظہار کیا ہے۔

ایران کی وزارت خارجہ کے ترجمان بہرام قاسمی نے جاری کردہ تحریری بیان میں کہا ہے کہ پومپیو کے یہ الفاظ کہ "عراق کے شہر بصرہ میں  امریکی قونصل خانے میں خدمات نہیں دی جائیں گی اور کسی قسم کے حملے کی صورت میں ایران کو ذمہ دار ٹھہرایا جائے گا" مضحکہ خیز اور مشکوک ہیں۔

بہرامی نے کہا ہے کہ امریکہ ایران کے خلاف غیر حقیقی  دعووں سے پیچھے نہیں ہٹ پا رہا اور واشنگٹن انتظامیہ عراق  میں حکومت کے قیام کے دوران منصوبے بنا رہی ہے۔

قاسمی نے سعودی عرب کے وزیر خارجہ الجیبوری کے اس بیان پر بھی ردعمل کا اظہار کیا ہے کہ جس میں انہوں نے کہا ہے کہ مشرق وسطیٰ میں قیام امن کے لئے ایران کو اپنی توسیعی سیاست  کو چھوڑنا ہو گا"۔

انہوں نے ریاض انتظامیہ  پر دہشت گردی کے ساتھ تعاون کر نے کا بھی الزام لگایا  ہے۔

قاسمی نے کہا ہے کہ سعودی عرب کے "متعصب"  افکار اور ان افکار کا پروپیگنڈہ دہشت گردی  کے اہم ماخذ ہیں ۔

انہوں نے دعوی کیا کہ ریاض انتظامیہ  متحدہ عرب امارات اور اسرائیلی لابی کے ساتھ مل کر امریکہ کے صدر ڈونلڈ ٹرمپ  کی پالیسیوں کے ساتھ تعاون کر رہی ہے اور ان ممالک کی طرف سے مہیا کئے جانے والے کئی ملین ڈالر کے ساتھ واشنگٹن انتظامیہ اپنی خارجہ سیاست کو جنگوں اور عدم استحکام پھیلانے کے لئے استعمال کر رہی ہے۔