یہودی آبادکاروں کا فلسطینیوں پر پتھراو
دریائے اردن کے مغربی کنارے کے مختلف علاقوں میں یہودی آبادکاروں کا فلسطینیوں کی گاڑیوں پر پتھراو، بعض فلسطینی معمولی زخمی
دریائے اردن کے مغربی کنارے کے مختلف علاقوں میں یہودی آبادکاروں نے فلسطینیوں کی گاڑیوں پر پتھراو کیا جس کے نتیجے میں بعض فلسطینی معمولی زخمی ہو گئے ہیں۔
عینی شاہدوں کے مطابق رملّہ کے مغرب میں فلسطینی زمین پر تعمیر کی جانے والی 'ڈولوے' رہائشی بستی سے اسرائیلی فوجیوں کے تحفظ میں یہودیوں کے ایک گروپ نے دیہاتوں کی طرف جانے والی مرکزی شاہراہ پر جمع ہو کر فلسطینیوں کی گاڑیوں پر اور پیدل چلنے والوں پر پتھراو کیا۔
فلسطینی خبر رساں ایجنسی WAFA کی دریائے اردن کے مغربی کنارے کی یہودی بستیوں کے امور کے ذمہ دار گاسان ڈیلس کے حوالے سے شائع کردہ خبر کے مطابق یہودی آبادکاروں نے نابلوس کی حوارا چیک پوسٹ کے قریب گاڑیوں کو ہدف بنایا جس کے نتیجے میں بعض فلسطینی معمولی زخمی ہو گئے ہیں۔
ڈیلس نے کہا ہے کہ براچا یہودی بستی سے بھی یہودیوں نے نابلوس کے جنوبی علاقے بورین میں فلسطینیوں کے گھروں پر حملہ کیا۔
واضح رہے کہ کل دریائے اردن کے شہر سیلفت کے جوار میں چاقو کے حملے میں ایک یہودی آبادکار ہلاک ہو گیا تھا۔
عینی شاہدوں کے مطابق واقعے کے بعد اسرائیلی فوجیوں نے سیلفت کے اطراف کے متعدد فلسطینی علاقوں پر چھاپے مارے اور شہر میں داخلے اور خروج کو بند کر دیا تھا۔
متعللقہ خبریں
فلسطین، جنین پناہ گزین کیمپ پر اسرائیلی فوج کے حملے میں 6 فلسطینی شہید
جنین ہسپتال کے شعبہ سرجری کے سربراہ بھی ہلاک شدگان میں شامل ہیں