مائیک پینس نے مشرق وسطی کا دورہ ملتوی کردیا

امریکی نائب صدر مائیک پنس نے اپنا مشرق وسطیٰ کا دورہ  جنوری تک ملتوی کردیا ہے

یاد رہے کہ وہ  مائیک پنس آج سے مشرق وسطیٰ کے ممالک کا دورہ کرنے والے تھے۔

خبر  کے مطابق، امریکی نائب صدر نے اپنا دورہ ایک ایسے وقت میں ملتوی کیا ہے جب امریکی حکومت کو اندرونی اور بیرونی دباؤ کا سامنا ہے۔

امریکی صدر ڈونلڈ ٹرمپ کی طرف سے بیت المقدس کو اسرائیلی ریاست کا دارالحکومت قرار دیے جانے کے بعد مشرق وسطیٰ سمیت دوسرے ملکوں میں بھی احتجاج کا سلسلہ جاری ہے۔ دوسری جانب، داخلی سطح پر ٹرمپ انتظامیہ نئے ٹیکس قانون پر رائے شماری کی تیاری کررہی ہے جس کے لیے پنس وائٹ ہاؤس میں رہیں گے تاکہ ضرورت پڑنے پر سینٹ میں صدر ٹرمپ کی ٹیکس اصلاحات پر رائے شماری کرائی جاسکے۔