لیبیا کا ایک مسافر بردار طیارہ اغواء

لیبیا  میں افریقیہ ہوائی کمپنی کے ایک مسافر بردار طیارے کو جس میں 118 مسافر سوار تھے  اغواء کر لیا گیا ہے ۔

اٹلی کے ہوائی اڈے پر اترنے کے بعد 65 خواتین اور بچوں کو رہا کر دیا  گیا ہے ۔ طیارے کو لیبیا کے معزول لیڈر معمر قذافی کی حامی ال فتح ال گدیدہ نامی دہشت گرد تنظیم   کے نام پر   اغواء کیا گیا ہے۔ ہوائی قزاق نے قذافی کے صاحبزادے  سیف السلام کو رہا کرنے کا مطالبہ کیا ہے ۔

 صبہا شہر سے طرابلس  جانے والے طیارے کو مالٹا       کوپا ہوائی اڈے پر اتار لیا گیا ہے ۔ مالٹا کے وزیر اعظم جوزف مسکیٹ نے  ٹویٹر سے جاری پیغام میں بتایا ہے کہ   ہمیں طیارے کے اغواءکے بارے میں معلومات فراہم کی گئی ہیں، سلامتی اور ایمرجنسی ٹیمیں   ائیر پورٹ پر موجود ہیں   ۔ایوی ایشن سائٹس  فلائٹ راڈر 24 سے حاصل معلومات کے مطابق افریقیہ ہوائی کمپنی کے ائیر بس 320 قسم کا مسافر بردار طیارے کو سبہا شہر سے طرابلس پرواز کے دوران اغواء کر لیا گیا ہے ۔طیارے میں جہاز کے عملے سمیت 118 مسافر موجود تھے ۔

سلامتی کے حکام نے بتایا ہے کہ مالٹا کے ہوائی اڈے پر  طیارے کے گرد حفاظتی قوتوں نے پوزیشن سنھبال رکھی ہے لیکن فی الحال کوئی کاروائی نہیں کی گئی ہے ۔