حلب: شہریوں کے انخلا کا آغاز

حلب میں باغیوں کے زیر قبضہ آخری حصے سے گزشتہ  روز زخمیوں اور عام شہریوں کو بسوں اور ایمبولینسوں کے ذریعے نکالنے کا سلسلہ شروع ہو گیا جس پر ایک روز پہلے عمل درآمد سرکاری  دستوں  اور باغیوں کے درمیان شدید جھڑپوں کے باعث روک دیا گیا تھا۔

بسوں اور ایمبولینسوںکی لمبی قظاریں، حلب کے زیر محاصرہ  مشرقی علاقے سے حکومتی کنٹرول کے علاقوں کی طرف جا رہی ہیں جن کی آخری منزل صوبے کا وہ علاقہ ہے جس پر باغیوں کا قبضہ ہے۔

ریڈکراس کی بین الاقوامی کمیٹی اور شامی   ہلال احمر  نے کہا ہے کہ حلب سے نکلنے والا پہلا قافلہ گزشتہ سہ پہر حفاظتی علاقے  میں پہنچ گیا ہے ۔

صحت کے عالمی ادارے  کا بھی کہنا ہے کہ  انخلا کے عمل میں 21 بسیں اور 19 ایمبولنس گاڑیوں نے حصہ لیا۔