بغداد میں بموں سے لدی ہوئی ایک گاڑی میں دھماکہ، 10 افراد ہلاک 30 زخمی

عراق کے دارالحکومت بغداد  کے علاقے ال حوریے میں پارک شدہ بموں سے لدی ہوئی ایک  گاڑی میں دھماکے سے 10 افراد ہلاک اور 30 سے زائد زخمی ہو گئے ہیں ۔

 شعیوں کی اکثریت کے محلے میں سبزیوں اور پھلوں کی مارکیٹ میں ہونے والے دھماکے میں  10 افراد ہلاک اور 30 سے زائد زخمی ہو گئے ہیں ۔ بغداد میں سلامتی کے فقدان کیوجہ سے اکثر اوقات  تشدد کے واقعات اور بم دھماکے ہوتے  رہتے ہیں ۔

 عراقی حکام نے اعلان کیا ہے کہ  یہ دھماکہ دہشت گرد تنظیم داعش سے وابستہ گروپوں نے کیا ہے  بغداد میں ہفتے کے روز بھی  تشدد کے واقعات میں  8 افراد ہلاک اور 30 سےزائد زخمی ہو گئے تھے ۔