ایران نے سعودی عرب سے خانہ کعبہ میں کرین کے حادثے اور منیٰ میں اژدھام کی وجہ سےہرجانہ طلب کرلیا
ایران کے حج اور مذہبی امور کے وزیر سعید عہدی نے کہا ہے کہ سعودی عرب نے آئندہ سال حج سے قبل کرین کے حادثے میں ہلاک ہونے والے افراد کا خون بہاو اور ہرجانہ ادا کرنے کی یقین دہانی کروائی تھی لیکن سعودی عرب نے ابھی تک کوئی ادائیگی نہیں کی ہے
ایران نے خانہ کعبہ میں کرین کے حادثے اور منیٰ میں ہجوم کی وجہ سے ہلاک ہونے والے افراد کی وجہ سے سعودی عرب سے ہرجانہ طلب کیا ہے۔
ایران کی سرکاری خبر رساں ایجنسی کی خبر کے مطابق حکومت ایران نے سعودی عرب سے ہرجانہ حاصل کرنے کے لیے اپنی کوششوں کو جاری رکھا ہوا ہے۔
ایران کے حج اور مذہبی امور کے وزیر سعید عہدی نے کہا ہے کہ سعودی عرب نے آئندہ سال حج سے قبل کرین کے حادثے میں ہلاک ہونے والے افراد کا خون بہاو اور ہرجانہ ادا کرنے کی یقین دہانی کروائی تھی لیکن سعودی عرب نے ابھی تک کوئی ادائیگی نہیں کی ہے۔
انہوں نے سعودی عرب سے فوری طور پر کیے گئے وعدوں کو پورا کرنے کی ضرورت پر زور دیا ہے۔
مکہ میں 11 ستمبر 2015 میں کرین کے حادثے میں 107 افراد ہلاک ہوگئے تھے جبکہ اس کے بعد 24 ستمبر 2015 کو منیٰ میں اژدھام کی وجہ سے 769 افراد کچل کر ہلاک ہوگئے تھے۔
ایران نے منیٰ میں اپنے 465 باشندوں کے ہلاک ہونے کا اعلان کیا تھا۔