حلب پر سرکاری ہیلی کاپٹروں کا حملہ،15 ہلاک متعدد زخمی
شامی فوج کے ہیلی کاپٹروں نے حلب میں حکومت مخالف علاقوں پر بیرل بموں سے حملہ کیا جس میں 15 شہری ہلاک اور درجنوں زخمی ہو گئے
513324
شامی فوج کے ہیلی کاپٹروں نے حلب میں حکومت مخالف علاقوں پر بیرل بموں سے حملہ کیا جس میں 15 شہری ہلاک اور درجنوں زخمی ہو گئے۔
حلب کی شہری دفاعی تنظیم کے اہلکار ابراہیم ابو لیث نے بتایا ہے کہ سرکاری ہیلی کاپٹروں نے حلب کے علاقے طارق الباب پر بیرل بم پھینکے ۔
ابو لیث نے کہا کہ زخمیوں میں سے چند کی حالت نازک ہے جبکہ شہر میں اس حملے سے کافی مالی نقصان بھی ہوا ہے۔
دریں اثنا ، امریکی محکمہ دفاع پینٹاگون کے ایک اہلکار کا کہنا ہے کہ روسی جنگی طیاروں نے جنوبی شام کے علاقے الطنف کے قریب مخالفین اور داعش مخالف دستوں کو نشانہ بنایا ہے جو کہ قابل تشویش ہے اور امید ہے کہ روس اس حملے کی وضاحت بیان کرے گا۔