اسرائیل کی جیلوں میں بند فلسطینی قیدیوں کی رہائی کا مطالبہ
اسوقت اسرائیلی جیلوں میں 480 بچوں، 68 خواتین اور 6 رکن اسمبلی سمیت تقریباً سات ہزار فلسطینی شہری قید ہیں
عرب لیگ نے قیدی فلسطینیوں کے معاملے کو بین الاقوامی سطح تک لیجانے اور اسرائیل کے خلاف انسانی خلاف ورزیوں کی بنا پر عالمی عدالتوں میں مقدمے کی کاروائی کیے جانے کی اپیل کی ہے۔
عرب لیگ نے 17 اپریل کو منعقد ہونے والے فلسطینی یوم ِ اسیر کی مناسبت سے جاری کردہ اعلامیہ میں واضح کیا ہے کہ اسرائیلی جیلوں میں قید فلسطینی شہری میثاق کے اہم ترین معاملات میں شامل ہے۔
عالمی برادری سے جیل میں بند فلسطینیوں کی رہائی اور بین الااقوامی قرار دادوں اور فیصلوں پر عمل درآمد کے لیے اسرائیل پر دباو ڈالے جانے کا مطالبہ کرنے والے اعلامیہ میں قیدی فلسطینیوں کی صحت کے حوالے سے لا پرواہی برتنے والے اسرائیل کو اس چیز کے نتائج کا ذمہ دار بھی ٹہرایا گیا ہے۔
جسمانی اذیت کو جائز قبول کرنے والی واحد مملکت اسرائیل ہونے کی توضیح کرنے والے اعلامیہ میں بتایا گیا ہے کہ اسوقت اسرائیلی جیلوں میں 480 بچوں، 68 خواتین اور 6 رکن اسمبلی سمیت تقریباً سات ہزار فلسطینی شہری قید ہیں ، علاوہ ازیں 700 سے زائد اموری قیدی بھی حوالات میں بند ہیں۔