غیر قانونی تعمیرات پر اسرائیل کے خلاف ایک مسودہ قرار داد کی تیاری
اس مسودے کو کونسل میں کس وقت پیش کیے جانے اور دیگر ارکان کے رد عمل کے حوالے سے فی الحال کوئی اعلان جاری نہیں کیا گیا
اسرائیل کے زیر قبضہ سر زمین پر غیر قانونی تعمیرات کا سد باب کرنے کی خواہاں اقوام متحدہ کی سلامتی کونسل نے ایک مسودہ قرار داد تیار کی ہے۔
تا حال حتمی شکل نہ دیے جانے والے اس مسودے میں اسرائیل کے زیر قبضہ علاقوں میں غیر قانونی رہائشی بستیوں کے قیام کے دو مملکتی حل کے متبادل کی راہ میں سب سے بڑی رکاوٹ ہونے پر زور دیتے ہوئے ان کاروائیوں کو فی الفور روکے جانے کی اپیل کی گئی ہے۔
مذکورہ سر زمین پر اسرائیلی شہریوں کی جانب سے سر زد کردہ ہر طرح کی " دہشت گرد کاروائی" اور فلسطینیوں کے مکانات کو مسمار کیے جانے کا سد باب کرنے کا بھی مطالبہ کرنے والی مسودہ قرار داد میں تمام تر طرفین کو اعتدال پسندی سے کام لینے کی بھی تلقین کی گئی ہے۔
تا ہم اس مسودے کو کونسل میں کس وقت پیش کیے جانے اور دیگر ارکان کے رد عمل کے حوالے سے فی الحال کوئی اعلان جاری نہیں کیا گیا۔
اسرائیل کے اقوام متحدہ میں مستقل مندوب ڈینی ڈانون نے مذکورہ مسودہ پر نکتہ چینی کرتے ہوئے کہا ہے کہ حل کے لیے "مختصر راستہ" موجود نہ ہونے کو فلسطینیوں کو سمجھ لینا چاہیے۔
متعللقہ خبریں
فلسطین، جنین پناہ گزین کیمپ پر اسرائیلی فوج کے حملے میں 6 فلسطینی شہید
جنین ہسپتال کے شعبہ سرجری کے سربراہ بھی ہلاک شدگان میں شامل ہیں