محمد مرسی کے فرزند کی اپنے والد سے ملاقات

مصر میں بغاوت کرتے ہوئے عہدے سے ہٹائے جانے والے معزول صدر محمد مرسی کے فرزند اسامہ مرسی نے اپنے والد سے جیل میں ملاقات کی تفصیلات کو سماجی رابطوں کی ویب سائٹ فیس بک پر بیان کیا ہے۔
انہوں نے لکھا ہے کہ میرے والد نے مسکراتے ہوئے مجھے خوش آمدید کہا، ان کی نفسیاتی حالت کافی اچھی تھی۔ وہ مثبت اور پر اعتماد دکھائی دے رہے تھے۔
انہوں نے کہا ہے کہ "مصری انقلاب اپنا راستہ بنا رہا ہے" لہذا محمد مرسی کو سزائے موت کے فیصلے نے ان کو متاثر نہیں کیا اور اس موضوع پر وقت ضائع کرنے کی کوئی ضرورت نہیں ہے۔
اسامہ مرسی نے مزید بتایا ہے کہ ان کے والد نے اپنے آپ پر اعتماد ہونے اور خوفزدہ نہ ہونے پر زور دیتے ہوئے کہا کہ "انقلاب کے ذریعے ان سے پوچھ گچھ کیے جانے پر مجھے پورا یقین ہے، یہ عمل عنقریب وقوع پذیر ہوگا۔"
انہوں نے انقلابی راہ میں آگے بڑھنے کے عمل کو جاری رکھنے کی تلقین کی اور کہا اور انقلابی اصولوں پر کار بند رہنا باغیوں کے لیے سب سے بڑی مغلوبیت ثابت ہو گی۔