مرسی کے مقدمے کی پیشی 20 ستمبر تک ملتوی
مصر کے معزول صدر محمد مرسی اور 35 افراد کے خلاف جاری مقدمے کی پیشی کو 20 ستمبر تک ملتوی کر دیا گیا
مصر کے معزول صدر محمد مرسی اور 35 افراد کے خلاف جاری مقدمے کی پیشی کو 20 ستمبر تک ملتوی کر دیا گیا ہے۔
اس مقدمے کو رائے عامہ میں جاسوسی کے مقدمے کا نام دیا گیاہے۔
عدالتی ذرائع سے موصول معلومات کے مطابق ملزمین کو مصر کے مفادات کو نقصان پہچانے کے مقصد کے تحت حماس ، لبنان کی حزب اللہ تنظیم اور ایران کی پاسداران انقلاب اسلامی فوج کے ساتھ مجرمانہ تعاون کا قصوروار ٹھہرایا جا رہا ہے۔
مقدمے کی سماعت قاہرہ تعزیراتی عدالت میں کی جا رہی ہے اور اس کی متوقع پیشی کو 20 ستمبر تک ملتوی کر دیا گیا۔
وکلاء صفائی کے وفد نے وزارت خارجہ سے ،مرسی کے دور میں امور خارجہ کے نائب ذمہ دار اعصام الدئاد کے اس دور کے اجلاس کے دوران لکھے ہوئے ،نوٹس کو عدالت میں پیش کرنے کا مطالبہ کیا ہے۔
عدالتی کاروائی کا سامنا کرنے والوں میں سے اخوان المسلمین کی گائیڈنگ کونسل کے نائب سربراہ خیرات الشاطر نے جیلوں میں ان کے ساتھ بدسلوکی کئے جانے اور بیمار پڑنے پر عدم توجیہی کی شکایت کی ہے۔
واضح رہے کہ مصر کے مفادات کو نقصان پہچانے کے مقصد کے تحت حماس ، لبنان کی حزب اللہ تنظیم اور ایران کے پاسداران انقلاب اسلامی فوج کے ساتھ مجرمانہ تعاون کرنے کے الزام میں مرسی سمیت 35 ملزمین عدالتی کاروائی کا سامنا کر رہے ہیں جن میں سے 22 زیر حراست ہیں اور 14 پر ان کی غیر حاضری میں مقدمہ چلایا جا رہا ہے۔
متعللقہ خبریں
فلسطین، جنین پناہ گزین کیمپ پر اسرائیلی فوج کے حملے میں 6 فلسطینی شہید
جنین ہسپتال کے شعبہ سرجری کے سربراہ بھی ہلاک شدگان میں شامل ہیں