افغانستان: 24 شہری سردی سے جم کر ہلاک
صوبہ بادغیس میں 4 بچوں سمیت 5 افراد، ہرات اور بغلان میں 9 بے گھر افراد، خوست میں 5، فریاب میں 2، جزجان میں 2 اور سارے پول میں ایک شخص منجمد ہو کر ہلاک ہو گیا
افغانستان میں یخ بستہ موسمی حالات کی وجہ سے 24 افراد منجمد ہو کر ہلاک ہو گئے ہیں۔
افغانستان ذرائع ابلاغ کے مطابق حالیہ دنوں میں خاص طور پر ملک کے وسطی اور شمالی علاقوں میں برفانی سردی اموات کا سبب بن رہی ہے۔
اطلاع کے مطابق بادغیس میں 4 بچوں سمیت 5 افراد، ہرات اور بغلان میں 9 بے گھر افراد، خوست میں 5، فریاب میں 2، جزجان میں 2 اور سارے پول میں ایک شخص منجمد ہو کر ہلاک ہو گیا ہے۔
دوسری طرف سینکڑوں افراد ہائپو تھرمیا کی وجہ سے ہسپتال پہنچ گئے اور ہزاروں مویشی تلف ہو گئے ہیں۔
واضح رہے کہ افغانستان میں اقتصادی بحران کی وجہ سے معاشی بدحالی کی شکار عوام کا ایک بڑا حصہ موسمِ سرما میں جلانے کے لئے کوئلہ خریدنے کی سکت نہیں رکھتا۔
متعللقہ خبریں
شمالی کوریا نے جنوبی کوریا کے ساتھ غیر عسکری علاقے میں بارودی سرنگیں بچھا دیں
شمالی کوریا، فوجی قوّت سے پاک علاقے میں بارودی سرنگیں بچھا رہا ہے: روزنامہ یونہاپ