ایران کی بین الاقوامی ایٹمی توانائی ایجنسی کی رپورٹ کی تصدیق

ایران نے بین الاقوامی ایٹمی توانائی ایجنسی (IAEA) کی رپورٹ  جس میں  یورینیم کی افزودگی کے عمل کو تیز کرنے کے لیے اگلی نسل کے IR6 سینٹری فیوجز کا استعمال شروع کرنےکا ذکر کیا گیا ہے کی تصدیق کی ہے۔

ایران کے جوہری توانائی کے ادارے کے ترجمان بہروز کمالویندی نے سرکاری ٹیلی ویژن سے بات کرتے ہوئے بین الاقوامی میڈیا میں شائع ہونے والی آئی اے ای اے کی رپورٹ کا جائزہ  پیش کیا ہے۔

رپورٹ کی تصدیق کرتے ہوئے، کمال ویندی نے کہا ہے کہ "ہم نے دو ہفتے قبل IAEA کو IR6 سینٹری فیوج مشینوں کی نئی چین  میں گیس کے انجیکشن کے بارے میں معلومات کی اطلاع دی تھی، لیکن بین الاقوامی میڈیا نے اسے بڑھا چڑھا کر پیش کیا ہے۔

کمال ویندی نے کہا کہ دو ہفتے قبل، 20 فیصد افزودہ یورینیم فورڈو میں نصب سینٹری فیوج مشینوں کی نئی  چین  سے حاصل کیا گیا تھا اور اسے گیس فراہم کی گئی تھی۔ ہم نے ایجنسی کو بھی اس بارے میں آگاہ کیا تھا۔

ایران کا IR6 سینٹری فیوجز لانچ کرنے کا اقدام، جو یورینیم کی تیز تر افزودگی کی اجازت دیتا ہے، جوہری معاہدے کی بحالی پر بات چیت میں کسی معاہدے تک پہنچنے کے امکانات کم ہونے کے بعد سامنے آیا۔