بھارت میں11 اپریل سے 19 مئی تک عام انتخابات کا انعقاد

بھارت میں کل 11 اپریل بروز جمعرات کو عام انتخابات شروع ہو رہے ہیں جو 19 مئی تک جاری رہیں گے۔

دنیا کے اس طویل ترین انتخابی دورانیے میں تقریباً 900 ملین ووٹر اپنے ووٹ کا استعمال کریں گے۔

بھارت کے الیکشن کمیشن کے مطابق 29 اضلاع میں متوقع انتخابات 7 مراحل میں منعقد ہوں گے اور 19 مئی تک جاری رہیں گے۔

انتخابات کا پہلا مرحلہ کل شروع ہو رہا ہے  جس میں 18، 23 اور 29 اپریل اور 6، 12 اور 19 مئی کو ووٹ ڈالے جائیں گے۔

انتخابی نتائج کا اعلان 23 مئی کو متوقع ہے۔

انتخابات میں شامل سیاسی پارٹیاں، وفاقی پارلیمنٹ کی زیریں شاخ لوک سبھا کی 545 نشستوں  میں سے 543 نشستیں جیتنے کے لئے مقابلہ کریں گی۔

لوک سبھا یعنی قومی اسمبلی کی 523 نشستیں صوبوں سے اور 20 نشستیں 7 خصوصی انتظامی علاقے سے منتخب ہوں گی جبکہ 2 نشستوں کی تعیناتیاں بھارت کی برطانوی کمیونٹی کے اراکین  میں سے اور صدر کی طرف سے کی جائیں گی۔

آندرا پردیش، آروناچال پرادش، اڑیسہ اور سکم کے صوبوں میں وفاقی اسمبلی  کے انتخابات کے ساتھ بیک وقت صوبائی آئینی اسمبلی  کے انتخابات بھی کروائے جائیں گے۔

انتخابی کمیشن  کے جاری کردہ بیان کے مطابق ملک میں 2014 کے انتخابات سے لے کر اب تک ووٹروں کی تعداد تقریباً 70 ملین  اضافے کے ساتھ 900 ملین تک پہنچ گئی ہے۔

آبادی میں اضافے کے ساتھ ملک میں پولنگ اسٹیشنوں کی تعداد میں بھی اضافہ ہو گیا ہے۔

کمیشن نے کہا ہے کہ2014 میں پولنگ اسٹیشنوں کی تعداد 9 لاکھ 20 ہزار تھی جو 2019 میں بڑھا کر ایک ملین  کر دی گئی ہے۔

توقع ہے کہ ہر پولنگ اسٹیشن پر 900 ووٹر ووٹ ڈالیں گے علاوہ ازیں انتخابات میں ایک ملین سے زائد ووٹ ڈالنے کی مشینیں استعمال کی جائیں گی۔

اڑھائی ملین سیکورٹی اہلکاروں سمیت 10 ملین افراد انتخابات میں فرائض ادا کریں گے۔

نئی دہلی  کے میڈیا ریسرچ  سینٹر کے اندازے کے مطابق 2019 کے انتخابات  کی مالیت 500 بلین روپے  یعنی تقریباً 7 بلین ڈالر تک ہو گی۔

ملک میں حزب اقتدار ہندو قومیت پرست پارٹی BJP اور بائیں بازو کی پارٹی انڈیا کانگریس پارٹی انتخابات کی طاقتور ترین اور مرکزی حریف ہیں۔