افغانستان میں ہسپانوی سیاحوں پر حملے کی ذمہ داری داعش نے قبول کر لی

دہشت گرد تنظیم داعش نے افغانستان کے صوبہ بامیان میں ہونے والے مسلح حملے کی ذمہ داری قبول کی جس میں 3 ہسپانوی سیاحوں سمیت 6 افراد  ہلاک ہو گئے تھے۔

دہشت گرد تنظیم داعش نے سماجی رابطوں کے پیج پر لکھا  ہے کہ 17 مئی کو صوبہ بامیان میں سیاحوں پر مسلح حملہ تنظیم نے کیا تھا۔

صوبہ بامیان میں سیاحتی علاقوں کا دورہ کرنے والے سیاحوں کے ایک گروپ پر بندوقوں سے حملہ کیا گیا تھا۔

حملے میں 6 افراد ہلاک ہوئے جن میں 3 ہسپانوی اور 3 افغان شہری تھے۔

افغان عبوری حکومت کی وزارت داخلہ کے ترجمان عبدالمتین کانی نے بتایا  ہےکہ اس واقعے کے حوالے سے 7 مشتبہ افراد کو حراست میں لیا گیا ہے۔