روہنگیا مسلمانوں کی ملیشیا جانے کی کوشش ناکام

بنگلہ دیشی پولیس نے میانمار کی سرحدوں کے جوار میں واقع ایک مہاجر کیمپ سے کشتیوں کے ذریعے ملیشیا جانے کی کوشش میں ہونے والے 115 روہنگینا مہاجرین کو جانے سے روک دیا۔

مقامی پولیس دفتر کی جانب سے جاری کردہ اعلامیہ میں واضح کیا گیا ہے کہ بنگلہ دیش کے  جنوب میں واقع قطب لانگ مہاجر کیمپ  میں مقیم 115 افراد کو غیر قانونی طریقے سے ملیشیا جانے سے روک دیا گیا۔

ان افراد میں سے 39 خواتین اور 26 بچے ہیں۔

بتایا گیا ہے کہ روہنگیا  مہاجرین نے ملیشیا جانے کے لیے ایجنٹوں کو رقوم ادا کی تھیں۔