بھارت کا آواز سے تیز سپر سونک براہموز کروز میزائل کا کامیاب تجربہ

بھارت نے آواز سے تیز سپر سونک براہموز کروز میزائل کا کامیاب تجربہ کیا ہے۔  یہ میزائل آواز کی رفتار سے تین گنا زیادہ تیز اڑنے کی صلاحیت رکھتا ہے ۔

بھارتی فوج نے دفاعی صلاحیتوں کو بڑھاتے ہوئے براہموز سپر سونک کروز میزائل کا کامیاب تجربہ کیا جو زمین سے زمین پر 450 کلو میٹر تک اپنے ہدف کو کامیابی سے نشانہ بنا سکتا ہے۔ براہموز میزائل کا تجربہ نکوبر جزیرے سے کیا گیا جسے روس کے تعاون سے تیار کیا گیا ہے جو کہ کامیابی سے ہدف کو نشانہ بنانے کے علاوہ غوطہ لگا کر بھی ہدف کو نشانہ بناسکتا ہے۔

حکام کے مطابق براہموز میزائل آواز کی رفتار سے تین گنا زیادہ تیز اڑنے کی صلاحیت رکھتا ہے جو کہ بلاک 3 ورژن کا حصہ ہے جب کہ اس سے قبل تیار کردہ براہموز میزائل 290 کلو میٹر تک اپنے ہدف کو نشانہ بناسکتا تھا۔