انڈونیشیا کئی ماہ سے جنگلات کی آگ سے متاثر ہے

انڈونیشیا میں ماہ جولائی سے ابتک بار ہا لگنے والی جنگلات کی آگ س ے 19 افراد ہلاک جبکہ 5 لاکھ کو سانس لینے میں دشواری کا سامنا ہے۔
انڈونیشیا میں جان بوجھ کر لگائی جانے والی آگ سے پیدا ہونے والے دھویں کے بادلوں کی بنا پر اسکولوں میں چھٹی کر دی گئی ہے تو اس ملک میں پروازیں بھی متاثر ہوئی ہیں۔
انڈونیشیا اور گرد و نواح کے ملک کئی مہینوں سے آسمان کا چہرہ دیکھنے سے محروم ہیں۔
دھوئیں کے بادل اب تھا ئی لینڈ اور فلپائن تک جا پہنچے ہیں۔
مون سون بارشوں کے آغاز سے آگ بجھانے کے عمل میں آسانی آنے کی امید پائی جاتی ہے۔
بارش پڑنے کے بعد عوام کئی ماہ بعد بلا ماسک کے اپنے گھروں سے باہر نکل سکے ہیں۔