مسافر بس کے کھائی میں گرنے سے 25 افراد ہلاک

مقبوضہ کشمیر کے علاقے ادھم پور سے لٹی بیلٹ جانے والی مسافر بس بے قابو ہوکرکھائی میں جاگری جسکے نتیجے میں 25 افراد ہلاک اور 35 زخمی ہوگئے ہیں ۔ حادثے کے بعد امدادی کارکنوں نے بس کوکاٹ کر ان سے اندر سے لاشوں اور زخمیوں کو باہر نکالا۔
طبی ذرائع نے اب تک 25 افراد کی ہلاکت کی تصدیق کی ہے جب کہ 35 زخمیوں کو قریبی اسپتال میں طبی امداد فراہم کی جارہی ہے۔پولیس حکام کا کہنا ہے کہ زخمیوں میں سے کئی کی حالت انتہائی تشویشناک ہے جس کی وجہ سے ہلاکتوں میں مزید اضافے کا خدشہ ہے۔