ترکی کی طرف سے افغانستان میں حملے کی مذمت

ترکی نے افغانستان میں حملے کی مذمت کی ہے۔
وزارت خارجہ کی طرف سے جاری کردہ تحریری بیان میں کل افغانستان کے شہر لوگر کے پولیس اسٹیشن پر 22 پولیس اہلکاروں کی ہلاکت اور 9 کے زخمی ہونے کا سبب بننے والے حملے کی شدید مذمت کی گئی ہے۔
بیان میں کہا گیا ہے کہ اس حملے پر ہمیں شدید افسوس ہے اور اس قسم کے حملے اس تاریخی عمل میں تعطل ڈالنے کی کوشش ہیں کہ جس سے ان دنوں افغانستان گزر رہا ہے۔
بیان میں مزید کہا گیا ہے کہ آج کی طرح ترکی مستقبل میں بھی افغان حکومت کے ساتھ بھرپور تعاون کی حالت میں رہے گا اور یہ کہ دہشت گردی کے حملے کرنے والوں کا ہدف افغانستان کو عدم استحکام کی طرف کھینچنا ہے لیکن وہ اپنے اس مقصد میں کامیاب نہیں ہو سکیں گے۔