"فوجی حکومت کی مذمت"اداکار کو تین سال قید کی سزا

میانمارکے مشہوراداکار اورماڈل پینگ ٹا کون کوفوجی حکومت کیخلاف احتجاج پر3سال قید بامشقت کی سزا سنا دی گئی۔

بی بی سی کے مطابق، میانمارکے مشہوراداکار اورماڈل پینگ ٹا کون کوفوجی حکومت کے خلاف احتجاجی مظاہرے میں شرکت اور سوشل میڈیا پر حکومت کی مذمت پر 3 سال قید کی سزا سنا دی گئی۔

پینگ ٹاکون کے وکیل کا کہنا ہے کہ  اداکارکو3 سال قید بامشقت سنائی گئی ہے جبکہ ان کا خاندان فیصلے کیخلاف اپیل کے بارے میں غورکررہا ہے۔

پینگ ٹا کون میانمارکے مشہوراداکار اورماڈل ہیں اوران کے سوشل میڈیا پرلاکھوں پرستارہیں۔

پینگ ٹائی کون کی جانب سے سوشل میڈیا پرجاری بیان کے مطابق پینگ کو اپریل میں ان کے گھرسے صبح 5 بجے گرفتارکیا گیا تھا۔

پینگ کی گرفتاری کے لئے 8فوجی ٹرکوں میں 50 فوجی آئے تھے۔

واضح رہے کہ میانمارمیں فوجی حکومت نے فروری میں اقتدارسنبھالا تھا۔