بدھا پست میں عثمانی ملبوسات کی نمائش

ہنگری کے دارالحکومت بدھا پست میں دولت عثمانیہ کے ادوار کے ملبوسات کی نمائش کا اہتمام کیا گیا ہے۔

یونس ایمرے انسٹیٹیوٹ کے زیر اہتمام سلطان سلیمان کی وفات کی 450 ویں برسی کے موقع پر ان کو یاد کرنے کے دائرہ کار میں منعقدہ نمائش میں ہنگیرین شہریوں نے گہری دلچسپی کا مظاہرہ کیا۔

ترکی کے اس ملک میں سفیر شاکر فاکیلی نے نمائش کے افتتاح کے موقع پر کہا کہ حالیہ ایام میں ہنگری میں بھی نشر کی جانے والی ترک ڈرامہ سیریلز میں بھی مقامی عوام خاصی دلچسپی لے رہی ہے۔

یونس ایمر انسٹیٹیوٹ کے ترک ثقافتی مرکز کے منیجر یعقوب گل کا کہنا ہے کہ سلطان سلیمان کی وفات کی 450 ویں برسی کی مناسبت سے سن 2016 کو سلطان سلیمان کے سال سے منسوب کیا گیا ہے۔

"کل سے آجتک عثمانی ملبوسات " کے عنوان سے منعقدہ فیشن شو کا مقصد 6 صد سالہ مملکت کے ملبوسات کی ثقافت سے ہنگیرین عوام کو روشناس کرانا ہے۔