روس آئندہ ہفتوں میں دونباس پر قبضے کے لیے ایک بڑے حملے کی منصوبہ بندی کر رہا ہے، نیٹو سیکرٹری جنرل

نیٹو کے سیکرٹری جنرل ینز سٹولٹن برگ نے کہا کہ روسی فوجی یوکرین کے دارالحکومت کیف سے واپس جا چکے ہیں،یہ دوبارہ منظم طریقے سے بہتر سپلائی کے ساتھ آنے والے ہفتوں میں دونباس پر قبضے کے لیے ایک بڑے حملے کی منصوبہ بندی کر رہے ہیں۔

ینز اسٹولٹن برگ نے یہ بیان بیلجیئم کے شہر برسلز میں نیٹو وزرائے خارجہ کے اجلاس سے پہلے دیا۔

انہوں نے یہ بیان وزرائے خارجہ کے اجلاس سے قبل دیا۔

سٹولٹن برگ نے روسی صدر ولادیمیر پوٹن کے خلاف جنگی جرائم کے الزامات کے حوالے سے  کہا کہ ’’شہریوں کو نشانہ بنانا ایک جنگی جرم ہے۔ یوکرین کے شہر بوچا کی تصویریں اس سفاکیت کی ہیں جس کا مشاہدہ یورپ نے کئی دہائیوں سے نہیں کیا ہے۔  ہم جتنا  زیادہ تعاون  کریں گے، یوکرین کا ہاتھ اتنا ہی مضبوط ہوگا۔"

اس بات پر زور دیتے ہوئے کہ ماسکو یوکرین میں اپنے اہداف سے دستبردار نہیں ہوگا، جینز اسٹولٹن برگ نے کہا کہ روسی فوج کی توجہ مشرق میں دونباس کے علاقے پر ہے۔

یہ بتاتے ہوئے کہ وہ آنے والے ہفتوں میں مشرقی یوکرین میں ایک نئے روسی حملے کی توقع رکھتے ہیں، اسٹولٹن برگ نے کہا کہ اتحاد کے ارکان کی جانب سے یوکرین کو فراہم کی جانے والی ہتھیاروں کی مدد کو فیصلہ کن طور پر آگے بڑھایا جائے گا۔